Дэбес ёросын Степан Широбоков нимо литературая премилэсь лауреатъёссэ пусйизы

0
128

18-тӥ толсуре Дэбесысь ёрос лыдӟетъюртын арлы быдэ сётъяськись Степан Широбоков нимо «Дэбес уӵы» литература премилэсь лауреатъёссэ пусйиз.

18 но солэсь трос аресъемъёс пӧлын премиез Светлана Федуловалы сётӥзы. Сое вордӥськем палъёсысьтыз инкуазез ӟуч но удмурт кылын кылбуръёс но проза пыр возьматэмез понна пусйизы.

8-17 аресъемъёс пӧлын премиез Тыловайысь школаын 11-тӥ классын дышетскисьлы Елизавета Юферевалы сётӥзы. Екатерина Лекомцевалэн верамезъя, Елизавета кылем арын но премия понна вожвылъяськонэ кылбуръёсыныз пыриськиз вал, но вормисе ӧз поты. Туэ нош удалтӥз. Нылашез «Мои прадеды – участники Великой Отечественной войны 1941- 1945 г.г.» но «Вклад земского врача в развитие сельской медицины» эскерон ужъёсыз понна пусйизы.

Ужрадэ лыктэмъёсты Степан Широбоковлэн кылбуръёсызъя гожтэм кырӟанъёсын «Ӟардон» калык ансамбле ветлӥсьёс шулдыртӥзы.

Тодэ вайытом, кылем арын «Дэбес уӵы» премиез Тамара Комарова но Юлия Бывальцева басьтӥзы.

Источник: udmurt.media/udm/

Реклама

КОММЕНТАРИИ:

Пустой комментарий
Имя